गृह रक्षा बल रो 62वां स्थापना दिवस शुक्रवार ने जयपुर कने फतेहपुरा रा केन्द्रीय प्रशिक्षण संस्थान मांय मनायी ज्यो। ईं मौके गृह रक्षा बल रा महानिदेशक राजेश निर्वाण 31 अहलकारां अर कर्मचारियां ने डीजीपी डिस्क अर मान पाना दे र नवाज़ा। वे एक स्वयंसेवक रे मर्यां पाछे वां रा पिरवार वाळां ने मान पानो दे र नवाज़ा। जयपुर रा नागरिक सुरक्षा निदेशालय मांय राख्यी ज्या कार्यक्रम मांय आयुक्त अनुप्रेरणा सिंह कुंतल अर जिला कलेक्टर डॉ. जितेन्द्र कुमार सोनी री मौजूदगी मांय झंडो फररायी ज्यो। सवाईमाधोपुर रा गृह रक्षा प्रशिक्षण केन्द्र मांय राख्यी ज्या कार्यक्रम मांय झण्डो फहरायी ज्यो अर वाहन रैली निकाळी ज्यी। गृह मंत्रालय री ओर ऊं काल कमाण्डेन्ट स्वाति शर्मा ने महानिदेशक, “रजत पदक अर प्रशस्ति पत्र“ अर कम्पनी कमाण्डर चन्द्रशेखर शर्मा, प्लाटून कमाण्डर सत्यनारायण सिंह, सीनियर असिस्टेंट मुकेश कुमार कुमावत, स्वयं सेवक विजेन्द्र शर्मा अर नागेन्द्र मोहन शर्मा ने कांसा रा तमगा अर मान पाना दे र नवाज़ण रो ऐलाण करी ज्यो। अ तमगा आवता साल गृह रक्षा स्थापना दिवस रे मौके दिया जावेला।