गुरूवार ने विश्व रेडियो दिवस मनायी ज्यो। लोगां मांय रेडियो रा महत्त्व रा बारा मांय जाग जगावण अर रेडियो रे जरिये जाणकारियां हासिल करण ने बधावो देवण सारू हर साल 13 फरवरी ने विश्व रेडियो दिवस मनायो जावे है। प्रधानमंत्री नरेन्द्र मोदी गुरूवार ने विश्व रेडियो दिवस रे मौके सोशल मीडिया पोस्ट रे जरिये कह्यो के रेडियो केई लोगां री जीवनरेखा रह्यो है। वे कह्यो के समाचार अर संस्कृति ऊं ले र संगीत अर कहानी कहवण तांई रो ओ ताकतवर जरियो है। श्री मोदी लोगां ऊं हा महीना प्रसारित कर्या जावण वाळा खास कार्यक्रम मन की बात सारू विचार अर सुझाव देवण बाबत् कह्यो। सूचना अर प्रसारण मंत्रालय री ओर ऊं आज नई दिल्ली मांय रेडियो महोत्सव-2025 री सरूआत करीजी। ईं मौके मंत्रालय रा सचिव संजय जाजू कह्यो के रेडियो लोगां ने जोड़े है अर देशां अर समुदायां बीचे रिश्ता मज़बूत करण मांय खास भूमिका निभावे है। ईं मौके आकाशवाणी री महानिदेशक डॉ. प्रज्ञा पालीवाल गौड़ कह्यो के लोगां ने आकाशवाणी रा कार्यक्रमां री सामग्री अर समाचारां माथे भरोसो है।