गुरूवार ने विश्व मृदा दिवस मनायी ज्यो। इण रो ईं साल रो मुद्दो है- केअरिंग फॉर सॉइल : मेजर, मॉनिटरिंग, मैनेज है। ईं मौके प्रदेश मांय ई किसानां ने जाणकारी देवण सारु न्यारा-न्यारा कार्यक्रम राख्यी ज्या। जोधपुर मांय कृषि अधिकारी किसानां ने मिट्टी री उर्वरता रा बारा मांय जाणकारी दीनी। पाली मांय ईं मौके कृषि भवन री नुवी मिट्टी परीक्षण प्रयोगशाला मांय किसान मिट्टी रा नमूना दीना। आं नमूनां री वैज्ञानिक तरीका ऊं जांच कर र किसानां ने वां री रपट दी जावेला। परीक्षण प्रयोगशाला रा वैज्ञानिक चंद्रपाल सिंह राणावत किसानां ऊं टेम सर माटी री जाँच करावण बाबत कह्यो। दौसा रा धनतूरी गाँव मांय किसान संगोष्ठी राख्यी ज्यी, जिण मांय किसानां ने मृदा स्वास्थ्य कार्ड दिया ज्या अर खाद काम लेवण रा बारा मांय जाणकारी दीरीजी। जोधपुर ग्रामीण जिला मांय ई कृषि विभाग रा अहलकार काश्तकारां ने मिट्टी रा स्वास्थ्य रा बारा मांय जाणकारी दीनी।