गुरूवार ने विश्व गौरेया दिवस मनायो ग्यो। होम स्पेरो यानि गौरेया री घटती आबादी रा बारा मांय जाग जगाबा खातर यो दिन मनायो जावे है। गौरेया एक महताऊ पक्षी है। ये केई भांत रा कीटां ने खार पारिस्थितिक तंत्र मांय अहम भूमिका निभावे है। गौरेया ने बचावा खातर दुनिया भर मांय भांत भांत री कोशिशां की जा री है। प्रधानमंत्री नरेन्द्र मोदी भी आकाशवाणी सूं प्रसारित होबा वाळा मन की बात कार्यक्रम मांय लोगां रो ध्यान इण और डाल्यो। वणा कह्या के विश्व गौरेया दिवस याद दिलावे है के म्हाने छोटा पंख वाळां आं सखा ने बचावा री कोशिश करणी चाहिजे। मुख्यमंत्री भजन लाल शर्मा गौरैया रा संरक्षण अर आवास री सुरक्षा खातर प्रतिबद्धता दोहराई। जयपुर मांय पुलिस कमिश्नर बीजू जार्ज जोसफ पुलिस आयुक्तालय परिसर मांय परिन्डा बान्धयां। करौली ज़िला मांय इण मौके पक्षी मित्र अभियान री सरूआत करी गई अर ठौर-ठौर परिन्डा लगाया गया। वठिने कोटपुतली-बहरोड़ मांय भी भी गौरयावां खातर वर्ल्ड हाउस लगाया गया।