गुरूनानक जयंती ने प्रकाश पर्व रा रूप मांय शुक्रवार ने देश भर मांय उच्छाव रे सागे मनायो जा रह्यो है। इण मौके प्रधानमंत्री नरेंद्र मोदी आप रा संदेश मांय गुरु नानक देव जयंती री शुभकामनावां देता थका कह्या के नानक देव जी री शिक्षावां लोगां मांय, दया, प्रेम अर आदर री भावना ने बढ़बा रो संदेश देवे है। मुख्यमंत्री भजनलाल शर्मा कह्या के गुरूनानक देव जी री शिक्षावां री पालना करता थकां सेवा, सामाजिक समानता, नैतिक ईमानदारी अर पर्यावरण संरक्षण राज्य सरकार रो पैलो काम है। प्रकाश पर्व रे मौके राजधानी जयपुर समेत प्रदेश रा सगळा छोटा बडा गुरूद्वारा मांय शबद कीर्तन अर लंगर राख्या जा रह्या है। भरतपुर रा पाईबाग रा गुरुद्वारा मांय गुरुवाणी रा पाठ अर लंगर बरता जा रह्या है। चूरू, सवाईमाधोपुर अर दौसा मांय भी प्रकाश पर्व पारम्परिक धार्मिक उच्छाव रे साथे मनायो जा रह्यो है। झालावाड जिला रा झालरापाटन अर भवानी मंडी रा गुरुद्वारा मांय खास अरदास अर कीर्तन राख्या गया। हनुमानगढ़ जिला मांय प्रकाश पर्व रे मौके गुरुद्वारा मांय खास कार्यक्रम कर्या जा रह्या है ।