गुरु नानक देव जी रा प्रकाश उत्सव पखवाड़ा रा तैत प्रदेश रा गुरुद्वारां मांय न्यारा-न्यारा कार्यक्रम राख्या जा रह्या है। भरतपुर मांय गुरूवार ने संकीर्तन यात्रा निकाळी ज्यी। ई सागे ई गुरूद्वारां मांय गुरु ग्रंथ साहिब रा अखंड पाठ अर शबद कीर्तन रा कार्यक्रम ई राख्यी ज्या। गुरुद्वारां मांय सोहवणी रोशनी ऊं सजावट करीजी है। शुक्रवार ने ई गुरुद्वारां मांय धार्मिक आयोजन राख्या जावेला अर गुरु ग्रंथ साहिब सामी जातरू मत्थो टेकेला। राज्यपाल हरिभाऊ बागडे़ गुरु नानक जयंती रे मौके शुभकामनावां दीनी है। वां रा संदेश मांय राज्यपाल कह्यो के गुरुनानक देव जी पूरी जिन्दगी इंसानियत रा भला सारू लगा दीनी। राज्यपाल कह्यो के गुरु नानक जयंती सामाजिक न्याय सारू करीजी वां री निस्वार्थ सेवा री याद दिराता थकां वां रा आदर्शां ऊं सीख लेवण रो पावन पर्व है।