केंद्र सरकार होशियार विद्यार्थियां री माली मदद सारु पीएम-विद्यालक्ष्मी योजना ने मंजूरी दे दीनी है। सूचना अर प्रसारण मंत्री अश्विनी वैष्णव आ जाणकारी दीनी। कैबिनेट री बुधवार ने व्ही मीटिंग मांय करी ज्या फैसलां री खबरनवीसां ने जाणकारी देता थकां मंत्री वैष्णव बतायो के ईं योजना रा तैत विद्यार्थी आला दर्जा री तालीम हासिल करण सारू बिना जमानत कर्ज ले सकेला। वे बतायो के सरकार भारतीय खाद्य निगम सारू 10 हजार 700 करोड़ रुप्या री इक्विटी रा निवेश ने ई मंजूरी दे दीनी। कैबिनेट रा फैसलां माथे शिक्षा मंत्री धर्मेंद्र प्रधान कह्यो के तीन हजार छह सौ करोड़ रुप्या रा खर्च वाळी पीएम विद्यालक्ष्मी योजना ने कैबिनेट री मंजूरी मिलण ऊं आला दर्जा री तालीम हासिल करण मांय आवण वाळी परेशानियां आगी व्हेला। वे सोशल मीडिया पोस्ट रे जरिये कह्यो के पीएम विद्यालक्ष्मी योजना रा तैत तालीम सारू बिना जमानत कर्ज होशियार विद्यार्थियां री उच्च शिक्षा तांई पहुंच आसान बणावेला।