केन्द्र सरकार राष्ट्रीय खेल पुरस्कार ऊं नवाज़ा जावण वाळां रा नाम रो ऐलाण कर दीनो है। विश्व शतरंज चैंपियन डी. गुकेश, पेरिस ओलिंपिक खेलां मांय दो तमगा जीतण वाळी निशानेबाज़ मनु भाकर, भारत री हॉकी टीम रा कप्तान हरमनप्रीत सिंह अर पेरिस पैरालिंपिक खेलां री एथलेटिक्स होड़ मांय सोना रो तमगो जीतण वाळा प्रवीण कुमार ने मेजर ध्यानचंद खेल रत्न पुरस्कार ऊं नवाज़ा जावेला। आं सागे ई राजस्थान री पैरा निशानेबाज मोना अग्रवाल समेत 32 खिलाड़ियां रो अर्जुन पुरस्कार अर न्यारा-न्यारा खेलां री सिखावण देवण वाळा पांच कोच रो द्रोणाचार्य पुरस्कार दे र मान कर्यो जावेला। मोना अग्रवाल 2024 रा पैरालिम्पिक मांय आर-2 महिला वर्ग री दस मीटर एयर राइफल एसएच-1 होड़ मांय कांसा रो तमगो जीत्यो हो। ं राष्ट्रपति द्रौपदी मुर्मू 17 जनवरी ने राष्ट्रपति भवन मांय राख्या जावण वाळा जळसा मांय अ पुरस्कार देवेला।