केन्द्र सरकार दिशा टू पाॅइन्ट ओ योजना ने मंजूरी दे दी है। अ कार्यक्रम ई साल पैली अप्रैल ऊँ 31 मार्च 2031 तांई पांच साल रा बगत सारू नुवा रूप मांय लागू कर्या जायेला। 255 करोड़ रिप्यां रा रोकड खर्च वाळी ई योजनां रो मकसद हर रहवासी तांई न्याय री पहुंच सरल अर मजबूत बणावे है। आ देश रा 16 सतत विकास लगस री प्रतिबद्धता ने आगे बधावा है इण ऊँ विकसित भारत 2047 रा विजन ऊँ ईं जोड़ी ज्या है। केन्द्रीय कानून मंत्री अर्जुनराम मेघवाल मुजब दिशा टू पाॅइन्ट ओ मांय प्रौद्योगिकी सक्षम न्याय वितरण सारू विधि संजीवनी नाम रो नुवो घटक पेश करी ज्यो है। टेली-लाॅ री मार्फत ग्राम पंचायत थर माथे वीएलई कानी ऊँ ढाई लाख सामान्य सेवा केन्द्रां ऊँ सगळा लोगां ने मुकदमां ऊँ पैला मुफ्त कानूनी सलाह दी जायेला। साथै ई कानूनी जागरूकता अर साक्षरता सारू आॅन लाइन अर आॅफ लाइन अभियान चलाया जायेला।