केन्द्रीय सड़क परिवहन अर राजमार्ग मंत्री नितिन गडकरी बुधवार ने दिल्ली-मुम्बई एक्सप्रेस-वे रो दौरो कीनो। वे सड़क री गुणवत्ता, एक्सप्रेस-वे माथे हिफाजत री व्यवस्था अर मुसाफिरां रा सुबीता ऊँ जुड़्या हालात रो जायजो लीनो। केन्द्रीय मंत्री दिल्ली ऊँ भारतीय राष्ट्रीय राजमार्ग प्राधिकरण अर मंत्रालय रा आला अहलकारां सागे दौरो कीनो। वे एक्सप्रेस-वे माथे सड़क हादसां री तादाद मांय कमी लावण रा उपाया रा बारा मांय ई चर्चा कीनी। ईं दौरान हादसां री शंका वाळी ठौड़ां री पिछाण अर हिफाज़ती मानकां री परलना और करड़ाई ऊं करावण रा बारा मांय ई चर्चा करी ज्यी। ईं दौरान अलवर ज़िला रा पिनान मांय उपमुख्यमंत्री दिया कुमारी ई श्री गडकरी ऊं मुलाकात कीनी। अलवर अर दौसा पाछे केन्द्रीय मंत्री गडकरी कोटा सारु रवाना व्ह्या। वां रो मुकुन्दरा हिल्स टाइगर रिजर्व कने बन रही दरा सुरंग रो ई जायज़ो लेवण रो कार्यक्रम है। ईं दौरान लोकसभा अध्यक्ष ओम बिरला अर मुख्यमंत्री भजन लाल शर्मा ई वां सागे रेहवेला। थोड़ी देर पैली तीन ई नेता बूंदी जिला रा लबान मांय राख्यी ज्या कार्यक्रम मांय शिरकत कीनी।