केन्द्रीय सामाजिक न्याय अर अधिकारिता राज्यमंत्री रामदास अठावले जनता ऊं विकसित भारत बणावण मांय भागीदारी निभावण बाबत् कह्यो है। सोमवार ने जयपुर मांय खबरनवीसां सागे बातचीत करता थकां श्री अठावले केन्द्र सरकार री उपलब्धियां रो जिक्र कीनो। वे कह्यो के सरकार री जनता री भला री न्यारी-न्यारी योजनावां रे पाण मोटी तादाद मांय लोगां री ज़िन्दगी मांय सकारात्मक बदलाव आया है। वे समाज मांय फैली विषमता खत्म करण सारू न्यारी-न्यारी जातियां रा नौजवानां रा ब्याह ने ज़रूरी बताया। ई पाछे श्री अठावले राज्यपाल हरिभाऊ बागडे सागे ई मुलाकात कीनी।