केन्द्रीय सामाजिक न्याय अर अधिकारिता राज्य मंत्री बी एल वर्मा एक दिन रा दौरा रा तैत सोमवार ने चित्तौड़गढ़ पूग्या। वे सर्किट हाऊस मांय पत्रकारां सागे बातचीत मांय कह्यो के प्रधानमंत्री मोदी री आर्थिक नीतियां अर विकास री सोच रे चालता आज भारत री अर्थव्यवस्था 11वां स्थान ऊं 5वां स्थान माथे आ ग्यी है। वे कह्यो के प्रधानमंत्री रो विजन है के 2047 मांय भारत जब आजादी रा 100 साल पूरा कर रह्यो व्हेला तब भारत एक विकसित राष्ट्र बण जावेला। केन्द्रीय राज्य मंत्री आज सांवलिया जी मिन्दर मांय दर्शन कर र देश री सुख समृद्धि री कामना कीनी।