केन्द्रीय संस्कृति अर पर्यटन मंत्री गजेन्द्र सिंह शेखावत महाकुंभ प्रबंधन री सराहणा कीनी है। वे थावर ने जोधपुर मांय खबरनवीसां सागे बातचीत करता थकां कह्यो के ईं दफा महाकुम्भ मांय पैली रा आयोजनां रे मुकाबले बेहतर इंतजाम करी ज्या है। प्रयागराज रा महाकुंभ नगर मांय जातरु अब आकाशवाणी रा कुंभवाणी समाचार बुलेटिन सार्वजनिक संबोधन प्रणाली रे ज़रिए ई सुण सके है। ईं पहल ऊं जातरुआं ने मेळा री न्यारी-न्यारी हलचल री जाणकारी मिलेला। दस-दस मिनट रा कुंभवाणी समाचार बुलेटिन संवारे साढे आठ, दोपहरां पाछे अढाई अर रात साढे आठ बज्यां प्रसारित कर्या जा रह्या है।