केन्द्रीय शिक्षा मंत्री धर्मेन्द्र प्रधान इस्तीफो दे दीनो है। वे आज सोशल मीडिया पोस्ट रे जरिये प्रधानमंत्री नरेन्द्र मोदी ने इस्तीफो सूंपण री जाणकारी दीनी। वां रा इस्तीफा मांय श्री प्रधान मांड्यो के वां री परीक्षा माफिया रे कारण किण ई विद्यार्थी री जिंदगी खराब नी व्हेवण देवण री कोशिश रही। श्री प्रधान मांड्यो के लारला दस दिन मांय देश मांय विद्यार्थियां कानी ऊं रीट परीक्षा पेपर लीक रा मामला मांय कर्या जा रह्या प्रदर्शन ऊं वे दुखी है। वे मांड्यो के नौजवान भारत रो भविष्य व्हेवण सागे नुवो अर विकसित भारत बणावण वाळा है, जो देश री असली ताकत है। श्री प्रधान आगे मांड्यो के जंतर मंतर सामी अर आखा देश मांय लारला दिनां उपज्या हालात ऊं विद्यार्थियां रो भविष्य कानूनी दावपेच मांय उलझण ऊं बचावण अर वां रो बगत पढाई मांय लगा र अर करियर बणावण मांय कामयाबी हासिल करण री मंशा सागे वे प्रधानमंत्री ने इस्तीफो भेज दीनो है।