केन्द्रीय ग्रामीण विकास मंत्री शिवराज सिंह चौहान दीतवार ने विकसित भारत-रोज़गार अर आजीविका गारंटी मिशन ग्रामीण, वीबी-जीरामजी-अधिनियम 2025 रे तैत राज्यां खातिर 25 हज़ार करोड़ रुप्या री मुख्य सहायता रकम जारी करी। वणां एक जुलाई सूं इण अभियान रे सफलतापूर्वक लागू होणे माथे खुशी जताई है। वीडियो कॉन्फ्रेंसिंग रे मार्फत रकम जारी करणे रे पाछे श्री सिंह सगळा राज्यां अर केंद्र शासित प्रदेशां रा ग्रामीण विकास मंत्रियां साथे वीबी-जीरामजी योजनावां रे कार्यान्वयन री समीक्षा भी करी। वणां कयो के आज जारी करीजी पहली किस्त रो लगस ओ पक्को करणो है के राज्यां रे कने पुख्ता रकम होवे, ताकि मजूरी रो भुगतान 15 दिनां मांय कर्यो जा सके। वणां कयो के मनरेगा ने लागू होणे मांय तीन बरस सूं बत्ती रो बगत लाग्यो हो, जदके विकसित भारत जीरामजी ने पूरा देश मांय सिर्फ़ एक दिन मांय लागू कर दियो ग्यो। श्री चौहान कयो के वीबी-जीरामजी योजना रे तैत मजदूरी दरां मांय औसतन लगेटगे 10 फीसदी री बधोरती करीजी है।