केन्द्रीय गृह मंत्री अमित शाह कह्यो है के सरकार विद्यार्थियां रा मुद्दा समेत किण ई विषय माथे चर्चा सारु तैयार है। वे बुधवार ने संसद भवन परिसर मांय खबरनवीसां सागे बातचीत कर रह्या हा। गृह मंत्री कह्यो के सरकार संसद मांय सदस्यां रा सगळा सवालां रो जवाब देवेला। श्री शाह विपक्ष रा सदस्यां माथे सदन री कार्यवाही मांय अड़चन डालबा रो आरोप लगायो। दूजी कानी लोकसभा मांय विपख रा नेता राहुल गांधी कह्यो के विपख नीट परीक्षा पेपर लीक ऊं जुड़्या मामला मांय विद्यार्थियां रा प्रदर्शन रे दौरान पुलिस री कथित कार्रवाई रा बारा मांय सरकार ऊं जवाबदेही री मांग कर रह्यो है। संसद भवन परिसर मांय खबरनवीसां सागे बातचीत करता थकां श्री गांधी कह्यो के विपख ने गृह मंत्री रा बयान मांय कोई दिलचस्पी नी है, बल्कि सवाल जवाबदेही रो है। ईं बीचे संसद रा दोन्यू सदनां री कार्यवाही मांय आज ई विपख रा हंगामा रे कारण अड़चन आयी।
