केन्द्रीय कृषि अर किसान कल्याण मंत्री भागीरथ चौधरी काश्तकारां ने देश री आत्मा बताया है। वे कया के भारत कृषि प्रधान देश है अर किसान अर्थव्यवस्था री मजबूत कड़ी है। श्री चौधरी रविवार ने बाड़मेर रा गुढामालानी मांय किसान सम्मेलन मांय बोल रह्या हा। बाजरा अनुसंधान केन्द्र मांय व्ह्या इण सम्मेलन मांय श्री चौधरी काश्तकारां ने जैविक खेती अपनाबा अर श्रीअन्न ने बढावो देबा माथे जोर दिया। वे कया के काश्तकारां री उपज परिवहन खातर कृषि मंत्रालय नई पहल करबा जा रह्यो है। सम्मेलन मांय उद्योग राज्यमंत्री के.के. विश्नोई भी शामिल व्ह्या। इण दौरान कृषि वैज्ञानिक बाजरा री खेती री नई तकनीक, उन्नत किस्मां री खोज अर मिट्टी रा स्वास्थ्य परीक्षण रा बारा मांय जाणकारी दी।