केन्द्रीय कृषि अर किसान कल्याण अर ग्रामीण विकास मंत्री शिवराज  सिंह चौहान शुक्रवार ने जोधपुर रा केन्द्रीय शुष्क क्षेत्र अनुसंधान संस्थान-काजरी रो दौरो कर वैज्ञानिकां सागे बातचीत कीनी। वे काजरी फार्म मांय उग्योडी साखां, पेड़-पौधां अर खेती-बाड़ी री तकनीकां रा बारा मांय वैज्ञानिकां सागे विगतवार बातचीत कीनी। श्री चौहान कह्यो के किसानां ने खेती ऊं मिलण वाळो मुनाफो बधावण सारू वां ने बेगी पाकण वाळी अर कम पाणी री जरूरत वाळी साखां री किस्मां मुहैया करायी जा रही है। ईं मौके जोधपुर रा विधायक अतुल भंसाली ई मौजूद हा।