केन्द्रीय आयुष राज्यमंत्री प्रतापराव जाधव कह्यो है के आयुर्वेद परदेसां मांय ई तेज़ी ऊं लोकप्रिय व्हे रह्यो है। वे आज जयपुर मांय राष्ट्रीय आयुर्वेद संस्थान रा 50 वां स्थापना दिवस रा जळसा मांय बोल रह्या हा। जाधव कह्यो के आयुर्वेद ने और बध़ावो देवण री लगातार कोशिशां करी जा रही है। आयुष राज्यमंत्री एन.आई.ए. रा नुवा कामां री सराहवणा करता थकां कह्यो के ईं संस्थान मांय बेहतर तकनीक अर सुबीतां सागे मरीज़ां रो ईलाज कर्यो जा रह्यो है। वे आयुर्वेद रा हलका मांय शोध ने बधावो देवण री संस्थान री कोशिशां ने खास बतायी।