केंद्र सरकार री ओर ऊं जलग्रहण विकास सारु प्रधानमंत्री कृषि सिंचाई योजना 2.0 रा तैत वाटरशेड यात्रा रो राज्य स्तर रो कार्यक्रम बुधवार ने सरू व्हे रह्यो है। वाटरशेड यात्रा बारां ज़िला री किशनगंज ग्राम पंचायत ऊं सरू व्हेला। पंचायती राज मंत्री मदन दिलावर रो इण री सरूआत करण रो कार्यक्रम है। ईं मौके जिला स्तर रो श्रमदान, पौधा रोपण, कलश यात्रा अर पाणी बचावण री शपथ लेवण रा कार्यक्रम राख्या जावेला। जलग्रहण यात्रा रो मकसद जलग्रहण ऊं जुड्या कामां री जाणकारी जनता ने देवण अर इण रा फायदा रा बारा मांय जाग जगावणो है। आ यात्रा दो रथां रे मार्फत राज्य री 214 ग्राम पंचायतां ऊं व्हेती निकळेला।