केंद्रीय संचार ब्यूरो रा क्षेत्रीय कार्यालय सवाईमाधोपुर री ओर ऊं पोषण-माह अर स्वच्छता-ही-सेवा अभियान रा तहत डेकवा गांव मांय शुक्रवार ने जन जागरूकता रा कार्यक्रम राख्यी ज्या। आं रा तैत स्कूली विद्यार्थी, आंगनबाड़ी कार्यकर्ता अर गांव वाळा रैली निकाळ र पोषण अर स्वच्छता ही सेवा रो संदेश दीनो। ब्यूरो री ओर ऊं विद्यार्थियां सारू चित्रकला होड़ राख्यी ज्यी। पाली ज़िला रा सुमेरपुर मांय आंगनबाड़ी केन्द्रां माथे पोषण माह रा तहत एक पेड़ माँ के नाम अभियान रा तैत आंगनबाड़ी कार्यकर्ता पौधा रोप्या अर साफ़-सफ़ाई राखण अर पर्यावरण जागरूकता रो संदेश दीनो।