कृषि मंत्री किरोड़ी लाल मीणा अर गृह राज्य मंत्री जवाहर सिंह बेढम बुधवार ने टोंक जिला रा समरावता गांव रो दौरो कीनो। वे गांव वाळां सागे मुलाकात कर र सरकार कानी ऊं करी ज्या फैसलां री जाणकारी दीनी। ईं पाछे खबरनवीसां सागे बातचीत करता थकां कृषि मंत्री कह्यो के उपचुनाव री बगत घट्या वाकया रे कारण व्ह्या नुकसाण रो सर्वे सरू करा दियो ज्यो है। कृषि मंत्री कह्यो के सरकार पीड़ितां ने मुआवजो देवेला। किरोड़ी लाल मीणा कह्यो के ग्राम पंचायत मांय विकास रा न्यारा-न्यारा काम कराया जावेला। कृषि मंत्री बतायो के सरकार समरावता समेत 28 गांवां ने देवली री बजाय उनियारा उपखण्ड मांय शामिल करण परां ई राजी है। इण ऊं पैली डॉ. मीणा टोंक री जेल मांय समरावता मामला रा आरोपितां सागे मुलाकात कीनी।