कार्तिक पूर्णिमा रो पर्व शुक्रवार ने प्रदेशभर मांय देव दिवाळी रा रूप मांय मनायो जा रह्यो है। ई मौके सगळा पवित्र तीर्थ स्थान माथे स्नान अर दीपदान समेत दान-पुण्य कर्या जा रह्या है। जयपुर रा गलता तीर्थ माथे सुवारे सूं ई सिरधालूआं रो तांतो लाग रह्यो है। जयपुर अर आरे-सारे रा हलका सूं सिरधालू स्नान खातर गलता पूग रह्या है। बालोतरा मांय खेड़ रा रणछोड़ राय तीर्थ माथे अन्नकूट महोत्सव रे सागे मेळो राख्यो जा रह्यो है। पाली मांय कार्तिक पूर्णिमा माथे केई धार्मिक कार्यक्रम राख्या जा रह्या है। सवाईमाधोपुर रा रामेश्वर धाम रा त्रिवेणी संगम माथे भक्त स्नान कर भगवान चतुर्भुज नाथ रा दर्शन कर्या। चूरू रा सालासर बालाजी मिंदर मांय पूर्णिमा रे मौके खास अनुष्ठान कर्या गया। पुष्कर मांय शुक्रवार ने कार्तिक पूर्णिमा रे मौके बड़ी संख्या मांय सिरधालू दान-पुण्य कर्या। प्रशासन ई मौके सुरक्षा रा करड़ा इन्तजाम कर्यो।