प्रदेश ऊं राज्यसभा री एक सीट सारु उप चुणाव बाबत् तीन उम्मीदवारां कानी ऊं दाखिल करी ज्या कुल छः नाम पानां री आज जांच करी ज्यी। जांच मांय दो उम्मीदवारां रा पांच पर्चा सही मिल्या। एक उम्मीदवार रो पर्चा खारिज कर दियो ज्यो। चुणाव पर्यवक्षक अर राज्य रा मुख्य निर्वाचन अधिकारी नवीन महाजन री मौजूदगी मांय निर्वाचन अधिकारी महावीर प्रसाद शर्मा भारतीय जनता पार्टी रा उम्मीदवार रवनीत सिंह रा पर्चा रा चार सेट, भारतीय जनता पार्टी रा ई डमी उम्मीदवार सुनील कोठारी रा एक नाम पाना अर निर्दलीय उम्मीदवार बबीता वाधवानी रा एक पर्चा री उम्मीदवारां रा चुणाव एजेन्टां सामी बारीकी ऊं जांच कीनी। जांच रे दौरान निर्दलीय उम्मीदवार बबीता वाधवानी रो पर्चो रद्द कर दियो ज्यो। उम्मीदवार 27 अगस्त ने दोपहरां पाछे 3 बज्यां तांई पर्चा पाछा ले सकेला। ज़रुरत पड़्यां 3 सितंबर ने वोट पड़ेला अर वां ई दिन वोटां री गिणती करी जावेला।