उपराष्ट्रपति जगदीप धनखड़ कह्यो है के किण ई देश री न्यायिक प्रणाली अर काम करण रो बूतो वां री लोकतांत्रिक जीवंतता ने बतावे है। वे़ आज जोधपुर मांय राजस्थान हाई कोर्ट री स्थापना री हीरक जयंती रे मौके राख्यी ज्या जळसा मांय बोल रह्या हा। धनखड़ कह्यो के शासन व्यवस्था सारू आज़ाद अर मज़बूत न्याय प्रणाली री ज़रूरत व्हे है। उपराष्ट्रपति कह्यो के लोकतंत्र रा तीन खंभां- विधायिका, न्यायपालिका अर कार्यपालिका ने संविधान मांय दिया ज्या दायित्वां ने ईमानदारी ऊं पूरा करणा चाहिजे। उपराष्ट्रपति कह्यो के राष्ट्रीय हित ने नी माप्यो जा सके है अर देश रो भलो पैली प्राथमिकता है। वे कह्यो के संवैधानिक संस्थावां ने कमज़ोर करण वाळी ताकतां अर लोकतंत्र ने नुकसाण पूगावण वाळा रे खिलाफ़ आवाज उठावणी चाहिजे। देश री बधती माली ताकत रो जिक्र करता थकां उपराष्ट्रपति कह्यो के पूरी दुनिया भारत ओड़ी घणी उम्मीद ऊं देख रही है। यू.पी.आई. री कामयाबी रो जिक्र करता थकां वे कह्यो के अब केई देश यू.पी.आई रे जरिये लेन-देन करण लाग्या है।