उपराष्ट्रपति जगदीप धनखड दीतवार ने प्रदेश रा दौरा माथे रह्या। श्री धनखड़ चित्तौडगढ़ रा मातृ कुण्डिया मांय राख्या कार्यक्रम ने सम्बोधित कर्या। श्री धनखड़ कह्या के किसान देश रो अन्नदाता अर माली व्यवस्था री रीढ़ है। विकसित भारत रा लगस ने पूरा करबा मांय किसान री महताऊ भूमिका है। श्री धनखड कह्या के देश मांय सात सौ 30 सूं भी बत्ता किसान अनुसंधान केन्द्र है। किसानां ने आप रा हलका रा अनुसंधान केन्द्र माथे जरूर जाणो चाहिजे। उपराष्ट्रपति कह्या के किसानां ने सहकारिता रो फायदो लेता व्ह्या कृषि उत्पादन रे सागे आप रा जिनावरां री कानी ध्यान देणो चाहिजे अर आप रा उत्पादा ने व्यापार सूं जोड़बा रे सागे मार्केटिंग माथे भी ध्यान देणो चाहिजे। उपराष्ट्रपति जगदीप धनखड़ उदयपुर मांय पैली रा विधानसभा अध्यक्ष कैलाश मेघवाल सूं मुलाकात कर वां रा स्वास्थ्य री जाणकारी ली।