उपमुख्यमंत्री दिया कुमारी कह्यो है के जयपुर मांय आईफा अवार्ड-2025 रा कार्यक्रम ऊं प्रदेश ने सैर-सपाटा रा हलका मांय नुवी पिछाण मिलेला। वे थावर ने जयपुर मांय खबरनवीसां सागे बातचीत कर रही ही। दिया कुमारी कह्यो के ईं आयोजन ऊं पारम्परिक हलकां सागे नुवा हलकां मांई ई सैर-सपाटा ने बधावो मिलण री आस है। वे कह्यो के प्रदेश मांय हर साल आईफा री भांत रा मोटा आयोजन कराया जावेला, ज्यां ऊं नौकरी-धंधा रा नुवा मौका बणेला अर सरकार री आमदनी मांय ई बधोतरी व्हेला। ईं मौके उपमुख्यमंत्री खबरनवीसां सागे बजट समेत न्यारा-न्यारा मुद्दां माथे चर्चा कीनी।