उपमुख्यमंत्री दिया कुमारी कह्यो है के मौजूदा दौर मांय सैर-सपाटा सागे ईको पर्यटन ई खास है। वे मंगलवार को जयपुर मांय वनरक्षक आधारभूत सिखावण कार्यक्रम रा उद्घाटन जळसा मांय बोल रही ही। उपमुख्यमंत्री कह्यो के महिलावां हर हलका मांय कामयाबी हासिल कर रही है। वे कह्यो के राज्य सरकार ईको पर्यटन अर वन्य जीव पर्यटन ने बधावो देवण सारू लगातार काम कर रही है। उप मुख्यमंत्री कह्यो के वनरक्षक आधारभूत सिखावण कार्यक्रम मांय 1 हजार 450 वन रक्षकां मांय ऊं 710 महिला वन रक्षक है, जो माथो ऊंचो करण री बात है। उपमुख्यमंत्री तीन महीना री सिखावण ले रह्या वन रक्षकां ऊं कह्यो के जंगलां री कटाई रोकण, जंगली जिनावरां रा शिकार ने रोकण, जंगल मांय काम करता थकां जंगली जिनावरां, शिकारियां अर असामाजिक तत्वां ऊं सावधान रेहवण अर जंगलात हलकां ने बधावो देवण मांय वां रो खास काम है। संसदीय कार्य, विधि अर विधिक कार्य मंत्री जोगाराम पटेल ई मंगलवार ने जोधपुर मांय वानिकी प्रशिक्षण संस्थान कानी ऊं राख्यी ज्या वनरक्षक आधारभूत प्रशिक्षण सत्र रो उद्घाटन कीनो। ईं मोके संसदीय कार्य मंत्री कह्यो के राज्य सरकार नौजवानां ने नौकरी धंधां रा मौका मुहैया करावण सारू लगातार काम कर रही है। वे कह्यो के राज्य सरकार ईं साल 1 लाख नौजवानां ने नौकरी देवेला।