उपमुख्यमंत्री अर परिवहन मंत्री डॉ. प्रेमचन्द बैरवा कह्यो है के सड़क सुरक्षा केवल सरकार री नहीं बल्कि सगळां री जिम्मेदारी है। वे शुक्रवार ने जयपुर मांय राष्ट्रीय सड़क सुरक्षा माह रा राज्य स्तर रा समापन जळसा मांय बोल रह्या हा। श्री बैरवा कह्यो के सरकार सड़क हादसां री रोकथाम सारू खास कार्य योजना माथे काम कर रही है। ईं सारू यातायात नियमां री पालना नी करण वाळा माथे करड़ी कार्रवाई करी जा रही है। ईं सागे ई हाईवे माथे ड्राइवरां रे आराम सारू रेस्ट ऐरिया बणावण परा ई विचार कर्यो जा रह्यो है। जळसा मांय सड़क सुरक्षा सारू समर्पण भाव सागे काम करण वाळां रो मान ई करी ज्यो।