उदयपुर मांय शुक्रवार ने महिला अर बाल विकास मंत्रालय री ऊं राख्यी ज्यो चिन्तन शिविर सरू व्ह्यो। तीन दिन रा ईं शिविर रो केंद्रीय महिला अर बाल विकास मंत्री अन्नपूर्णा देवी काल औपचारिक उद्घाटन करेला। इण मांय सिरकत करण सारू देश भर ऊं न्यारा-न्यारा महिला अर बाल विकास मंत्री, सचिव अर आला अहलकार उदयपुर पधार्या है। शिविर मांय महिलावां अर बच्चां रा पूरा विकास अर भला ऊं जुड़्या मुद्दां माथे राज्यां अर केन्द्र रा राज वाळा प्रदेशां रा नुमाइन्दा सागे चर्चा करी जावेला। शिविर मांय महिला अर बाल विकास मंत्रालय रा प्रमुख कार्यक्रम मिशन वात्सल्य, शक्ति, पोषण अर सक्षम आंगनबाड़ी मिशन रा बारा मांय सत्र राख्या जावेला।