उदयपुर मांय राष्ट्रीय जल मिशन अर जलशक्ति मंत्रालय री ओर ऊं राज्यां रा जल मंत्रियां रो सम्मेलन ‘‘वाटर विजन-2047‘‘ राख्यो जा रह्यो है। इण मांय जल प्रशासन ने मज़बूत करण, पाणी भेळो करण अर वां री पूर्ति बधावण अर पीवण अर पाणत सारू पाणी मुहैया करावण सारू बेहतर सेवा देवण रा बारा मांय विचार कर्यो जा रह्यो है। जल शक्ति मंत्री सी.आर. पाटिल रो मंगलवार ने सम्मेलन ने सम्बोधित करण रो कार्यक्रम है। मुख्यमंत्री भजनलाल शर्मा रे ई इण मांय शिरकत करण रा आसार है। दूजी कानी उदयपुर मांय सोमवार ने बांधां री हिफाज़त अर पुनर्वास रा बारा मांय राज्य स्तर रो सम्मेलन राख्यी ज्यो। कार्यक्रम मांय जल संसाधन मंत्री सुरेश सिंह रावत कह्यो के पीवण रो पाणी भेळो करण, बिजली बणावण अर बाढ़ ने काबू करण मांय बांधां रो खास काम है। वे कह्या के राज्य सरकार बांधां ने और सुरक्षित बणावण री कोशिश कर रही है।