उत्तर पश्चिम रेलवे काल ऊं 01 अक्टूबर तांई स्वच्छता ही सेवा अभियान चलावेला। इण रो मुद्दो स्वभाव स्वच्छता- संस्कार स्वच्छता राख्यो जावेला। उत्तर पश्चिम रेलवे रा मुख्य जनसम्पर्क अधिकारी कैप्टन शशि किरण आ जाणकारी दीनी। वे बतायो के 02 अक्टूबर ने गांधी जयंती ’स्वच्छ भारत दिवस’ रा तौर ऊं मणायी जावेला। स्वच्छता ही सेवा अभियान रा तैत रेलवे टेशनां, दफ्तरां, रेलवे कॉलोनियां, स्वास्थ्य इकाइयां अर रेलवे लेणां माथे श्रमदान कर र स्वच्छता अभियान चलायो जावेला। ईं रे अलावा रेलवे टेशनां रे आरे-सारे री ग्राम पंचायतां मांय स्वच्छता चौपाल लगायी जावेला। अभियान रा तैत सफाई कर्मचारियां सारू स्वास्थ्य जांच शिविर, मैराथन, साइक्लोथन, खेलां री होड़ां अर पौधा रोपण रा कार्यक्रम राख्या जावेला।