राजस्थान गवर्नमेंट हेल्थ स्कीम-आर.जी.एच.एस. मांय जांच सारू नुवा बन्दोवस्त सोमवार ऊं लागू व्हे ग्या है। इणरे तैत दो हजार रिप्या तांई री जांच सारू पेला ऊं मंजूरी नी लेवणी व्हेला, वठे ई तुरत जांच रा मामला मांय टीपीए ने एक घंटा मांय अर दूजा मामला मांय तीन घंटा मांय मंजूरी देवणी व्हेला। तय बगत मांय कोई फैसलो नी होवण माथे अर्जीदार ने आॅटो अप्रूव्ड मतलब खुद मंजूरी मानी जावेला। वठे ई इमरजेंसी मामला मांय पेला री तरह किंणी तरह री पेला ऊं मंजूरी री जरूरत नी व्हेला। ध्यान जोग है के टीपीए रो खास काम मरीजां रे कैशलेस इलाज अर बीमा दावां री प्रक्रिया ने संभालणो है। थर्ड पार्टी एडमिनिस्ट्रेटर-टीपीए ई अस्पताल रे साथे मिलने इण ने मंजूर करे है। सरकार आरजीएचएस ऊं जुड्या सगळा प्राइवेट अस्पतालां अर डायग्नोस्टिक सेंटरां ने इण री करड़ाई ऊं पालना करण रा निर्देश दिया है।