आज पूर्व सैनिक दिवस है। ओ दिन पैली रा सैनिकां रा समर्पण, बलिदान अर निःस्वार्थ सेवा रा सम्मान मांय मनायो जावे है। इण दिन राज्यपाल हरिभाऊ बागडे़ पैली रा सैनिकों अर वां रा घरआळां रा त्याग, बलिदान अर राष्ट्र निर्माण खातर वां री कृतज्ञता रो पर्व कह्यो है। वे कह्या के म्हे सगळां राष्ट्र खातर आप रो सब कुछ निछावर करबा वाळां पैली रा सैनिकां अर वां रा घर आळां रा कल्याण खातर काम करता थकां वां री सेवावां रो सम्मान करा। श्री बागडे मंगलवार ने जयपुर मांय सशस्त्र सेना अर पूर्व सैनिक दिवस माथे सेना रा सप्तशक्ति प्रेक्षागृह मांय राख्या कार्यक्रम ने सम्बोधित कर रह्या हा। वे े भारतीय सशस्त्र बलां रा पैल्या भारतीय कमांडर-इन-चीफ फील्ड मार्शल के۔ एम۔ करियप्पा री सेवावां ने भी याद कर्या। ई मौके राज्यपाल पूर्व सैनिकां, अधिकारियां अर वीरांगनावां ने भी सम्मानित कर्या। वठिने प्रदेश रा केई ज़िला मांय पूर्व सैनिक दिवस मनायो गया। झुन्झुनू मांय राख्या कार्यक्रम मांय शहीद स्मारक माथे शहीद वेदी परां पुष्पचक्र चढ़ा र शहीदां ने याद कर्यो गयो। ई रे पाछे सूचना केन्द्र सभागार मांय वीरांगनावां, शौर्य पदक विजेतावां अर वयोवृद्ध पूर्व सैनिकां रो सम्मान कर्यो गयो।