आज जनऔषधि दिवस है। जेनेरिक दवाइयां रा इस्तेमाल ने बधावो देवण रा मकसद ऊं ओ दिन मणायो जावे है। ईं मौके प्रधानमंत्री नरेंद्र मोदी सोशल मीडिया पोस्ट रे ज़रिए कह्यो के जन औषधि दिवस जनता ने बेहतर गुणवत्ता वाळी सस्ती दवाइयां मुहैया करावण रा सरकार रा संकल्प ने बतावे है। वे कह्यो के ओ दिन स्वस्थ अर फिट इंडिया री निशाणी है। ईं मौके केंद्रीय स्वास्थ्य मंत्री जगत प्रकाश नड्डा कह्यो के प्रधानमंत्री भारतीय जन औषधि परियोजना, अच्छी भी, सस्ती भी मंत्र सागे सगळां सारु स्वास्थ्य सेवा मांय ज़बरदस्त बदलाव ला रही है। वे प्रधानमंत्री भारतीय जन औषधि परियोजना रो जिकर करता थकां कह्यो के आ परियोजना देश रा हर रेहवासी ने स्वास्थ्य ऊं जुड़्या सगळा ज़रुरी सुबीता मुहैया करावणो तैय करे है। जन औषधि दिवस रे मौके पाली रा प्रधानमंत्री जनऔषधि केन्द्र मांय मोटी तादाद मांय मरीज़ां री बी.पी. अर शुगर री जांच करी ज्यी। राजसमंद रा जिला अस्पताल मांय लाभार्थी संवाद कार्यक्रम राख्यी ज्यो। सवाईमाधोपुर मांय जनऔषधि केन्द्रां माथे जनऔषधि उत्पादां रा प्रचार-प्रसार रो संकल्प लियो ज्यो।