अमेरिका रा उपराष्ट्रपति जेडी वेंस 21 अप्रैल ने भारत रा दौरा सारू पधारेला। प्रधानमंत्री नरेंद्र मोदी सागे मुलाकात पाछे वे तीन दिन रा प्रवास सारू जयपुर पधारेला। श्री वेंस रो जयपुर मांय आमेर महल रो दौरो करण अर एक बिजनेस समिट ने संबोधित करण रो कार्यक्रम है। 23 अप्रैल ने वे आगरा मांय ताज महल ने निरखेला। वां रो 24 अप्रैल ने संवारे जयपुर ऊं वाशिंगटन जावण रो कार्यक्रम है। अमेरिका रा उपराष्ट्रपति रा दौरा ने ध्यान राखता थकां 21 अर 22 अप्रैल ने सैलाणी आमेर रा महल ने नी निरख सकेला। मुख्यमंत्री भजनलाल शर्मा जे.डी. वेंस रे जयपुर आवण रा कार्यक्रम ने देखता थकां थावर ने वां रा रेहवास माथे अहलकारां सागे मीटिंग कर र हिफाजत रा पुख्ता बंदोबस्त करण अर दूजी तैयारियां पूरी करण रा हुकम दीना।