अन्तर्राष्ट्रीय बालिका दिवस रे मौके शुक्रवार ने प्रदेश मांय न्यारा-न्यारा कार्यक्रम राख्यी ज्या। ओ दिवस टाबरियां री टाबरां सागे बराबरी, भणाई-लिखाई अर बराबरी रा मौका मुहैया करावण माथे ज़ोर देवे है। ईं साल अन्तर्राष्ट्रीय बालिका दिवस रो मुद्दो है – भविष्य के प्रति बालिकाओं की संकल्प दृष्टि। ईं मौके पाली मांय टाबरियां बेटी बचाओ-बेटी पढ़ाओ टैगलाइन,लोगो अर अंतरराष्ट्रीय बालिका दिवस मण्डयोड़ो केक काट्यो। ईं मौके बेटी बचाओ-बेटी पढ़ाओ शपथ बोर्ड माथे दस्तख्त ई करायी ज्या। कार्यक्रम मांय बेटी जणबा वाळी लुगाइयां रो पैली वाळा विधायक ज्ञानचंद पारख द्वारा मान कीनो। हनुमानगढ़ जिला रा टिब्बी रा राजकीय कस्तूरबा गांधी बालिका आवासीय विद्यालय मांय महाअष्टमी अर महानवमी रे मौके कन्या पूजन करी ज्यो। ईं मौके टाबरियां ने वां रा हक, हिफाज़त, मौसमी बीमारियां अर मानस अभियान रा बारा मांय जाणकारी दीरीजी अर नशो नी करण री सौगंध दिरायी ज्यी।