अजमेर मांय 68वीं ज़िला स्तर री एथलटिक्स होड़ शुक्रवार ने सरू व्ही। विधानसभा अध्यक्ष वासुदेव देवनानी इण रो उद्घाटन कीनो। शिक्षा विभाग री ओर ऊं राख्यी जा रही ईं होड़ मांय 70 स्कूलां रा डोढ़ हजार ऊं बत्ता विद्यार्थी सिरकत कर रह्या है। होड़ जीतण वाळा खिलाड़ी राज्य स्तर परां खेलेला। हनुमानगढ़ ज़िला रा साबुआना गांव रा राजकीय वरिष्ठ उपाध्याय संस्कृत विद्यालय मांय आज संभाग स्तर री बालिका खेलकूद होड़ सरु व्ही। छह दिन चालण वाळी ईं होड़ रा जूनियर अर सीनियर वर्ग मांय एथलेटिक्स, कबड्डी, वॉलीबॉल, खो-खो अर बैडमिंटन सरीखी सात भांत री प्रतियोगिता राख्यी जा रही है। होड़ मांय हनुमानगढ़, श्रीगंगानगर, अनूपगढ़ अर बीकानेर जिलां री 27 टीमां सिरकत कर रही है। शाहपुरा जिला रा रायला मांय लड़कियां री 68वीं जिला स्तरीय एथलेटिक्स अर सांस्कृतिक होड़ आज सरू व्ही।