अजमेर मांय थावर ने महर्षि दयानंद सरस्वती विश्वविद्यालय रो बारहवों दीक्षांत समारोह राख्यी ज्यो। इण मांय राज्यपाल हरिभाऊ बागड़े अव्वल रेहवण वाळा 40 विद्यार्थियां ने सोना रा तमगा दे र अर शोध पूरा करण वाळा साठ जणां ने उपाधियां दे र नवाज़ा। सत्र 2023-24 मांय न्यारा-न्यारा इम्तिहान पास करण वाळा चौरानवे हजार 608 विद्यार्थियां ने उपाधियां दीरीजी। ईं मौके राज्यपाल विद्यार्थियां ऊं वां री दिमाग री ताकत माथे भरोसो करण बाबत् कह्यो। कार्यक्रम मांय विधानसभा अध्यक्ष वासुदेव देवनानी ई सिरकत कीनी। ईं पाछे राज्यपाल दो दिन रा दौरा सारु पाली पधार्या। वे अहलकारां सागे मीटिंग कर र वां ने ज़रुरी हुकम दीना। राज्यपाल रो देसूरी कने सोनाणा खेतलाजी मांय चाल रह्या जळसा मांय सिरकत करण रो कार्यक्रम है।