अंतरराष्ट्रीय योग दिवस काउंट डाउन रा तैत प्रदेश मांय योगाभ्यास रा कार्यक्रम राख्या जा रह्या है। 12वां अंतरराष्ट्रीय योग दिवस ऊं पैली गुरूवार ने जयपुर मांय मुख्यमंत्री रा रहवास माथे योगाभ्यास कार्यक्रम राख्यी ज्यो। इण मांय मुख्यमंत्री भजनलाल शर्मा आर.ए.सी. रा जवानां सागे योग अर प्राणायाम रो अभ्यास कीनो। उपमुख्यमंत्री अर आयुष मंत्री डॉ. प्रेमचंद बैरवा ई जयपुर मांय वां रा रहवास माथे पिरवार वाळां अर सहायकां सागे योगाभ्यास कीनो। वे लोगां ऊँ योग ऊँ जुड़बा री अरज कीनी। बैरवा कह्यो के योग ने केवल एक दिन तांई सीमित राखण री बजाए स्वस्थ जीवनशैली री बुनियाद बणायो जावणो चाहिजे। राजस्थान विधानसभा परिसर मांय ई काल संवारे विधानसभा अध्यक्ष वासुदेव देवनानी री अगुवाई मांय योग अभ्यास कार्यक्रम राख्यो जावेला।