अंतरराष्ट्रीय ख्याति पायोड़ो पुष्कर मेळो शुक्रवार ने पूरो व्ह्यो। मेळा मैदान मांय राख्या समापन जळसा मांय उपमुख्यमंत्री दिया कुमारी अर जल संसाधन मंत्री सुरेश रावत मौजूद रह्या। जळसा ने संबोधित करता थकां उपमुख्यमंत्री कह्या के तीर्थराज पुष्कर मांय पर्यटन ने बढावो देबा खातर केई विकास काम करवाया जावेला। वे कह्या के ई बाबत् अहलकारां अर थानीय लोगां सूं सुझाव लिया जावेला। समारोह मांय स्कूली टाबर लोकगीत अर सांस्कृतिक कार्यक्रमां री प्रस्तुतियां दी। इण रे पाछे देसी-विदेशी खिलाड़ियां रे बीच खेलकूद होड़ा व्ही।