अंतरराष्ट्रीय एम.एस.एम.ई दिवस रे मौके जयपुर मांय काले कार्यक्रम राख्या जावेला। कॉन्स्टिट्यूशन क्लब मांय होवण वाळा इण जळसा मांय मुख्यमंत्री भजनलाल शर्मा उद्योग तथा वाणिज्य विभाग री योजनावां रा लाभार्थियां ने कर्ज, अनुदान अर सब्सिडी रा डमी चैक दिया जावेला। वे रीको री योजनावां रा लाभार्थियां ने भी भूमि आवंटन पत्र अर ऑफर लेटर सौंपेला। प्रदेश मांय पहली दफा राख्या जा रिया इण कार्यक्रम रे चालता राजस्थान इंडस्ट्रीयल डवलपमेंट पॉलिसी, ओडीओपी कॉफी टेबल बुक अर रैम्प पोर्टल भी लॉन्च करेला। जळसा मांय रीको री डायरेक्ट लैंड अलॉटमेंट पॉलिसी रा आवंटन पत्र अर ऑफर लेटर भी दिया जावेला। कार्यक्रम मांय उद्योग मंत्री कर्नल राज्यवर्धन राठौड़ अर राज्यमंत्री के. के. विश्नोई समेत वरिष्ठ अहलकार मौजूद रेवेला।