शुक्रवार ने गुड फ्राइडे मनायी ज्यो। ई मौके प्रदेशभर रा गिरिजाघरां मांय खास आयेजन व्हे रह्या है। संवारा प्रार्थना सभावां राख्यी ज्यी अर प्रभु ईशु मसीह रा आखिरी संदेश पढ़ ने सुणायी ज्या। ईसाई समुदाय रा लोगां प्रभु ईशु रा बलिदान अर त्याग ने अपणावण अर वां रा बताया मार्ग माथे चालण रो संकल्प लियो। ध्यान जोग है के गुड फ्राइडे माथे प्रभु यीशू मानवता ने पाप ऊं मुक्ति दिलावण सारू आप रो जीवन निछावर कर दियो हो। ई दिन लोग मानवता अर आपसी भाईचारा ने मजबूत करण रो संकल्प लेवे है। ई बीचे आवता दीतवार ने प्रभु यीशु रा पुनर्जीवित होवण रे मौके ईस्टर ने देखता ईसाई समुदाय खास आयोजनां री तैयारियां सरू कर दी है। प्रधानमंत्री नरेन्द्र मोदी गुड फ्राइडे माथे प्रभु यीशु मसीह रा बलिदान ने याद कर्या है। एक सोशल मीडिया पोस्ट मांय श्री मोदी कह्यो ओ दिन आपा ने प्रेम, सहानुभूति, दयालुता अर उदारता री सींख देवे है।