प्रदेश रा केई हलकां मांय गुरूवार ने ई ज़ोरदार तावड़ो पड़्यो अर कठे-कठे लू बाजी। ज़बरदस्त गर्मी अर लू रे कारण जिन्दगी माथे असर पड़्यो, हालांकि दोपहरां पाछे कुछ ज़िलां मांय हल्की बिरखा व्हेवण ऊं गर्मी ऊं थोड़ी साता मिली। आज ई जोधपुर अर बीकानेर संभाग मांय कठे-कठे अधिकतम तापमान 44 डिग्री सेल्सियस ने पार कर ग्यो। चूरू मांय आज तेज तावड़ा रे कारण लोगां री आवाजाही कम रही। जैसलमेर मांय पड़ रह्या ज़ोरदार तावड़ा ने ध्यान राखता थकां सगळी सरकारी अर गैर सरकारी स्कूलां मांय 8वीं कक्षा तांई रा विद्यार्थियां सारू स्कूलां मांय भणाई-लिखाई रो बगत संवारे साढे सात ऊं ग्यारह बज्यां तांई कर दियो ज्यो है। पाली मांय जिला कलेक्टर मनरेगा रा तैत चाल रह्या कमठाणां माथे काम रो बगत संवारे छह बज्यां ऊं दोपहरां पाछे एक बज्यां तांई कर दीनो। इंर् बीचे भरतपुर अर कुछ ज़िला मांय आज संवारे बादळा मण्ड ग्या। मौसम केंद्र जयपुर रे मुजब आज कोटा, अजमेर अर जयपुर संभाग मांय आंधी चालण अर हल्की बारिश रा आसार है।