जयपुर रा राष्ट्रीय आयुर्वेद संस्थान मांय शुक्रवार ने राष्ट्रीय आरोग्य मेळो सरू व्ह्यो। आयुष मंत्रालय री ओर ऊं अखिल भारतीय आयुर्वेद महासम्मेलन रा ईं चार दिन रा मेळा रो उद्घाटन उपमुख्यमंत्री प्रेमचंद बैरवा कीनो। ईं मौके श्री बैरवा कह्यो के प्रधानमंत्री नरेंद्र मोदी न्यारो आयुष मंत्रालय बणा र ईलाज रा पारंपरिक तरीकां रा बारा मांय घर-घर जाग जगावण री पहल कीनी है। वे कह्यो के प्रदेश मांय ई आयुष ने बधावो देवण सारू केई खास जतन करी ज्या है। जळसा मांय आयुष मंत्रालय रा सचिव वैद्य राजेश कोटेचा कह्यो के आवती सदी ईलाज रा आयुष तरीका री है। वे कह्यो के आयुष माथे लोग ओजू भरोसो करण लाग्या है अर दुनिया भर मांय इण री मांग बधी है। मेळा मांय मरीज़ां री मुफ़्त स्वास्थ्य जांच ई करी जा रही है। अखिल भारतीय आयुर्वेद महासम्मेलन रा संरक्षक पद्भूषण ऊं नवाजी ज्या वैद्य देवेंद्र त्रिगुणा आकाशवाणी ने बतायो के मेळा मांय देशभर ऊं आया 600 जाणकार न्यारा-न्यारा तकनीकी सत्रां मांय विचार बतावेला।