उदयपुर रा सज्जनगढ़ वन्यजीव अभयारण्य हलका मांय धधक रही लाय ने ध्यान राखता थकां अभयारण्य अर बायोलॉजिकल पार्क मांय सैलाणियां री आवण-जावण माथे रोक लगा दीरीजी है। लारला तीन दिन ऊं लाग रही लाय गुरूवार ने तेज बायरा रे कारण और भभक र करीब 7 हेक्टेयर हलका मांय पसर ग्यी। दमकल री 22 गाड़ियां री मदद ऊं लाय माथे कोशिश करी जा रही है। मौका माथे वन विभाग, दमकल अर पुलिस रा 140 ऊं बत्ता कर्मचारी ज्यादा तैनात है। रिहायशी हलकां ने आग ऊं बचावण सारू छह घर खाली करायी ज्या है। जिला कलेक्टर नमित मेहता अर एस.पी. योगेश गोयल लाय वाळा हलका रो दौरो कर र हालात रो जायजो लीनो अर अहलकारां ने ज़रूरी हुकम दीनो।