दिल्लीजवळ वाहणाऱ्या यमुना नदीच्या पाण्यामध्ये सजीव सृष्टी जिवंत राहण्याची क्षमता जवळजवळ शून्य असल्याचं संसदीय समितीने म्हटलं आहे. यमुनेत निरीक्षणांतर्गत असलेल्या ३३ पैकी २३ ठिकाणांमधल्या पाण्याची गुणवत्ता अतिशय कमी असल्याचं या समितीनं म्हटलं आहे. नदीकिनाऱ्यावर अनेक सांडपाणी स्वच्छता प्रकल्प कार्यरत असूनही नदीचं पाणी प्रदूषित असल्याचं यमुना नदी स्वच्छता प्रकल्पावरच्या आपल्या अहवालात समितीने म्हटलं आहे.