मुंबईच्या प्रसिद्ध वानखेडे स्टेडियमच्या उभारणीला यंदा ५० वर्षं पूर्ण होत असून सुवर्णमहोत्सवानिमित्त १२ ते १९ जानेवारीदरम्यान विविध कार्यक्रम होणार आहेत. १९ जानेवारी रोजी होणाऱ्या भव्य कार्यक्रमात विख्यात क्रिकेटपटू सचिन तेंडुलकर, सुनील गावस्कर, रोहित शर्मा, सूर्यकुमार यादव, रवी शास्त्री, अजिंक्य रहाणे, दिलीप वेंगसरकर आणि डायना एदल्जी यांच्यासह इतर दिग्गज सहभागी होणार आहेत. या काळात विविध प्रदर्शनं, मनोरंजनाचे कार्यक्रम, लेझर शो देखील आयोजित केले जाणार आहेत.