ज्येष्ठ अभिनेते दिल्ली गणेश यांचं आज चेन्नई इथं वार्धक्यानं निधन झालं. ते ८० वर्षांचे होते. रंगभूमीवर अभिनेता म्हणून कारकिर्द सुरु केल्यानंतर ते चित्रपटांमधून भूमिका करु लागले. पाच दशकांच्या कारकिर्दित त्यांनी विविध भाषांमधल्या ४०० पेक्षा जास्त चित्रपटांमधे भूमिका केल्या. मुख्यत्वे तामिळ चित्रपटांमधून त्यांनी काम केलं. दस, अजब प्रेम की गजब कहाणी, चेन्नई एक्सप्रेस या हिंदी चित्रपटांमधूनही त्यांनी काम केलं होतं. नाटक आणि चित्रपटांबरोबरच छोट्या पडद्यावरही विविध मालिकांमधे त्यांनी अभिनय केला होता.
त्यांच्या निधनाबद्दल प्रधानमंत्री नरेंद्र मोदी यांनी दु:ख व्यक्त केलं आहे.