उत्तराखंडमध्ये नैनिताल जिल्ह्यातील भीमताल इथं राज्य परिवहन महामंडळाची बस खोल दरीत कोसळल्याने ४ जणांचा मृत्यू झाला. पोलिसांनी दिलेल्या माहितीनुसार, २८ जणांना घेऊन ही बस पिठोरागढहून हल्द्वानीला जात होती. २४ प्रवासी जखमी झाले असून त्यांना हल्द्वानी इथल्या सुशीला तिवारी रुग्णालयात दाखल करण्यात आले आहे. घटनास्थळी मदत आणि बचाव कार्य पूर्ण करण्यात आले आहे. मुख्यमंत्री पुष्कर सिंह धामी यांनी या दुर्घटनेबद्दल तीव्र शोक व्यक्त केला आहे.